一面食早餐一面睇Facebook亞(Bob)嘅貼文,感嘆現今香港人好喜歡去投訴,係又投訴唔係又投訴,自我膨脹到以為自己係好啱嘅,從來都唔用個腦去想吓,點解件事會咁樣?
Bob Lam 林盛斌
呢個世界,好多嘢,冇百分百嘅啱定錯,
但係有一樣野,係最基本嘅,就係包容。
呢段日子,對速遞行業嘅影響非常之大,
因為人手不足好多時一個人要做三個人嘅嘢,
一日幾萬單確診嘅時候,佢哋仍然辛苦工作,
其實我真係好尊重每一位做速遞嘅工作人員。
你估如果佢有得舒舒服服坐喺餐廳入面食嘢,
佢會唔會選擇坐喺個垃圾桶旁邊食呢個飯盒?
人哋已經匿喺一個盡量唔影響其他人嘅地方,
諗住嗱嗱聲扒埋嗰兩啖飯就繼續送貨送件,
然後你影咗佢張相放上網諗住公審再去投訴,
其實唔可以話你唔啱,你係有你嘅道理嘅,
只不過成件事,好冇同理心,好唔善良。
如果之後其士同埋進源投訴到去順豐,
而呢位速遞員嘅上司又覺得個投訴係成立嘅,
最後要紀律處分甚或至要炒佢魷魚,
麻煩認識呢位速遞哥哥嘅朋友叫佢聯絡我,
我即刻安排一份工俾佢。
沒有留言:
發佈留言